Wasaaradda Warfaafinta Soomaaliya ayaa shalay war ay soo saartay ku shaacisay in ciidanka xoogga dalka oo garab ka helaya saaxiibo caalami ah howlgal milatari ka fuliyeen buuraha Caalmadow ee Puntland, ayna halkaasi ku dileen xubno badan oo argagaxiso ah.
War maanta kasoo baxay wasaaradda Warfaafinta Puntland ayaana si adag loogu beeniyay warka kasoo baxay dowladda Soomaaliya, waxa ayna Puntland sheegtay in aysan jirin howlgal ciidanka xoogga dalka ka fuliyeen gudaha Puntland.
Puntland ayaana sheegtay in buuraha deegaanka Caalmadow ay joogaan ciidamada Puntland , waxa ay sidoo kale beenin ama rumeyn in buuraha Calamdow ka dhaceen duqeymo lagu dilay dagaalyahanno iyo saraakiil ka tirsan Al Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
