Somalia ayaa maanta sheegtay in xiriirka u dhexeeya iyada iyo Masar uu yahay mid xooggan oo soo jireen ah, isla markaana aanay jirin wax khilaaf ah oo ku dhex jira, iyadoo beenisay wararka sheegaya in la hakiyey heshiiska iskaashiga militari ee ay la galeen Masar.
Safiirka Soomaaliya ee Qaahira Cali Cabdi Awaare ayaa maanta bayaan uu soo saaray ku tilmaamay warar aan sal iyo raad toona lahayn warbixin saxaafadeed oo sheegayay in xiriirka Soomaaliya iyo Masar uu yahay mid khilaaf ka dhex jiro, isla markaana la joojiyey heshiiska iskaashiga militari ee labada dal kala saxiixdeen bishii Agoosto 2024 ay yihiin
Safiir Awaare ayaa xaqiijiyey in Soomaaliya ay ka go’an tahay xoojinta iskaashiga kala dhexeeya Jamhuuriyadda Carabta ee Masar, iyo kordhinta heerka wadashaqaynta labada dal marxaladaha soo socoda.
Safiirka Soomaaliya ee Qaahira ahna wakiilka joogtada ah ee Soomaaliya u fadhiya Jaamacadda Carabta ayaa ugu baaqay warbaahinta in ay ka digtoonaadaan faafinta wararka aan la hubin ee dhaawici kara xiriirka walaalnimo ee dalalka caalamka.
