Ciidanka Booliska saldhigga degmada Garasbaaley ayaa soo qabtay labo nin oo ku eedeysan inay dhaawac iyo dhac ka geysteen xaafado ka tirsan degmadaas.
Cabdullaahi Mustaf Maxamed oo ka tirsan ciidanka xoogga iyo Ismaaciil Cali Ibraahim oo ku shaqeysan jiray Mooto Bajaaj ayaa la soo qabtay, iyagoo wata qori AK47 ah iyo Mooto.
Raggan ayaa la sheegay dhac iyo dhaawac u geysteen labo qof oo ganacsi ku leh degmadda Garasbaaley.
Taliska booliska ayaa sheegay in baaritaan kadib ragaan maxkamad la hor geyn doono dhowaan lana marin doono ciqaabta ay mudan yihiin.
Booliska Muqdisho ayaa dardar geliyey howlgalada ka dhanka ah burcadda, tuugada iyo dhalinyarada falalka anshax xumada ah ku heysa baraha bulshada.
- Advertisement -
