War goordhaw kusoo dhacay warqabadka Shabakadda Allbanaadir ayaa sheegaya in dagaal uu ka socdo aaga guri uu degmada Kaaraan ee gobolka Banaadir ka degan yahay xildhibaan katirsan golaha Shacabka.
Sida aan wararka ku helnay ciidamo isugu jira booliiska iyo kuwa xasillinta ayaa weerar ku qaaday guriga xildhibaan Cismaan Xaadoole, kaddib markii ay halkaasi galeen kooxo la sheegay in ay dambiilayaan ahaayeen ayna kudaba jireen ciidamada ammaanka.
Dagaalka u dhaxeeya ciidamada dowladda iyo kuwa ilaalada ka ah guriga xildhibaan Xaadoole ayaa wali socda, waxaana warar soo baxaya sheegayaan in ay jiraan khasaarooyin labada dhinac kasoo gaaray .
Rasaas goos goos ah ayaana wali laga maqlayaa aaga uu ku yaallo guriga xildhibaan Cismaan Xaadoole, labada dhinac ayaana kala helaya gurmadyo uga imaanaya magaalada qeybaheeda kala duwan.
Waxii warar ee kusoo kordha dagaalka kala soco wararkayaga dambe Insha Allah
Xafiiska Shabakadda Allbanaadir.com
Muqdisho Somalia
Allbanaadir@live.com
