Ciidamada amaanka dowlada Soomaaliya ayaa maanta xiray qaar kamid ah wadooyinka muhiimka ah ee magaalada Muqdisho, waxa ayna ciidamada wadooyinka qaar u diideen in gaadiidka isticmaalaan.
Wadooyinka xiran ee Muqdisho waxaa kamid ah laamiga Maka Al Mukarama oo ahaa laami aad u mashquul badan, waxaana hada laamiga u muuqdaa mid cidlo ah aysan isticmaaleyn gaadiidka Shacabka.
Ciidamo badan oo isugu jira booliis iyo Nabad sugid ayaa wadooyinka qaar lasoo dhigay, waxaana maanta sare loo qaaday xaqiijinta dhinaca amaanka gaar ahaan goobo gaar ah oo Muqdisho katirsan.
Wararka aan heleyno ayaa sheegaya sababaha maanta loo xiray wadooyinka Muqdisho in ay tahay wafdi sare oo ka socda dowladaha Itoobiya iyo Eretria oo imaanaya magaalada Muqdisho.
Wafdiga ka socda dowladaha Itoobiya iyo Eritrea ayaa wararka soo baxaya sheegayaan in ay hogaaminayaan Wasiirada Arimaha dibada wadamadaasi lamana oga ilaa hada ujeedka socdaalka ay Muqdisho ku imaanayaan wafdiga ka socda dowladaha Itoobiya iyo Eritrea.
Xafiiska Shabakada Allbanaadir.com
Muqdisho Somalia
Allbanaadir@live.com
