Dowlada Jabuuti ayaa war cusub ka soo saartay khilaafka soo kala dhex galay dowladaha Soomaaliya iyo xabashida Itoobiya kaasoo ka dhashay heshiiskii dhowaan Abiy Ahmed uu la saxiixday Madaxweynaha Somalland.
Heshiiska ayaa dhigayey in Itoobiya dhul badeed ay ka sameysato saldhig milateri laga siiyo xeebaha Somaliland, taas bedelkeedna ay dowlad rasmi ah u aqoonsato Somaliland.
Wasaaradda Arrimaha Dibadda dowladda Jabuuti oo war ka soo saartay damaca gurracan ee dowladda Itoobiya ee dhulka Soomaaliyeed ayaa sheegtay inay muhiim tahay ilaalinta Madaxbanaanida iyo wadajirka dhuleed ee dowladaha xubnaha ka ah Urur Gobolleedka IGAD.
“Jamhuuriyadda Jabuuti oo hadda ah hoggaanka urur gobolleedka IGAD waxay xaqiijinaysaa inay si qoto dheer u ilaalinayso, madaxbannaanida, midnimada iyo wadajirka dhuleed ee dhammaan dawladaha xubnaha ka ah ururka IGAD, sida ku cad heshiiska IGAD iyo xeerka dastuuriga ah ee Midowga Afrika” ayaa lagu yiei qoraal kasoo baxay Wasaaradda Arrimaha Dibedda Jabuuti.
Madaxda sare ee DF iyo goleyaasha xukuumada iyo labada aqal ee baarlamanka Somalia ayaa si adag uga soo horjeestay heshiiskaas oo ay ku tilmaameen inuu yahay mid ka hor imanaya madax banaanida iyo midnimada Somalia.
HOOS KA AKHRISO WAR SAXAAFADEEDKA JABUUTI
