Guddoomiye Kuxigeenka Maamulka iyo Maaliyadda Gobolka Banaadir Mudane Ciise Maxamuud Guure ayaa daahfuray Hannaanka soo saarista Degmo tusaale u noqon karta Degmooyinka iyo Deegaanada Gobolka Banaadir, iyadoona loo xushay Degmooyinka Cabdicasiis iyo Degmada Xamarweyne.
Madashan oo ay ka qeybgalayeen Maamulada Degmooyinka Cabdicasiis, Xamarweyne, Aqoonyahno ka socday Jaamacadaha dalka, Injineero iyo qeybaha Bulshada ee labada Degmo, ayaa la isku dhaafsaday talooyin iyo aragtiyo ku aadan hanaanka soo saarista Degmo tusaale u noqon karta Degmooyinka iyo Deegaanada Gobolka Banaadir.
Barnaamijka ayaa qeyb ka ah fulinta Qorshaha Maamulka Gobolka Banaadir ee 2023-2024 taasi oo ku aadan helida Degmo tusaale u noqota Degmooyinka iyo Deegaanada Gobolka Banaadir.
