Singapore ayaa fulisay xukunkii ugu horreeyay ee haweeney 19 sano ah Jimcihii maanta iyo daldalaadkii labaad usbuucan kuwaasoo lala xiriiriyey ka ganacsiga daroogada inkastoo loogu baaqay iney joojiyaan ciqaabta dilka ah ee dambiyada la xiriira daroogada.
Saridewi Djamani, 45, ayaa lagu xukumay dil 2018 ka dib markii lagu helay ganacsiga qiyaastii 31 garaam oo heroin saafi ah sida uu sheegay xafiiska dhexe ee maandooriyaha
Sharciyada Singapore ayaa dhigaya in dil lagu xukumo qof kasta oo lagu helo ka ganacsiga in ka badan 500 garaam oo xashiishad ah iyo 15 garaam oo heroin ah.
Dilka Djamani ayaa yimid laba maalmood ka dib markii la dilay nin Singapore ah, Mohammed Aziz Hussain oo 56 jir ahaa kaasoo ka ganacsanayay qiyaastii 50 garam oo heroin ah.
Xafiiska maandooriyaha ayaa sheegay in labada maxbuus loo maray nidaam cadaalad ah, oo ay ku jiraan rafcaannada xukunnada lagu riday iyo codsiyada cafiska madaxweynaha.
Kooxaha xuquuqul insaanka, dhaqdhaqaaqayaasha caalamiga ah iyo Qaramada Midoobay ayaa ku booriyay Singapore inay joojiso xukunada dilka ah ee dambiyada daroogada waxayna sheegeen inay jiraan cadaymo isa soo taraya oo aan waxtar lahayn si looga hortago. Maamulka Singapore waxay ku adkaysanayaan in ciqaabta dilku ay muhiim u tahay joojinta baahida daroogada iyo sahayda.
Kooxaha xuquuqul insaanka ayaa sheegay in dil lagu fuliyey 15 qof oo lagu eedeeyay dambiyo daroogo tan iyo markii ay dib u soo celisay Singapore deldelaada bishii March 2022.
Dadka u ololeeya ciqaabta dilka ayaa sheegay in haweeneydii ugu dambeysay ee la og yahay in lagu daldalay Singapore ay ahayd 36-jir timo-jare ah Yen May Woen, oo sidoo kale loo haystay ka ganacsiga daroogada illaa 2004-tii.
