Madaafiic ayaa qaybo ka mida magaalada Laascaanood ee gobolka Sool lagu garaacay maanta kuwaasoo dhaliyay dhimasho iyo dhaawac ah sida ay sheegayaan wararka halkaas naga soo gaaraya.
Mid ka mida Madaafiicda ayaa ku habsaday goob maqaahi ahayd oo ay dad badan ku sugnaayeen.
Sidoo kale isbitaalka guud ee ee qaybta shaybaarka ee magaalada ayaa lagu soo warramayaa in madaafiicdu ay waxyeelleeyeen kaddib markii mid kamida uu ku dhacay.
Qeybo ka mid ah Isbitaalka ayaa horey ugu burburay dagaalladii cuslaa ee ka dhacay Laascaanood inkastoo dib loo dayactiray.
Duqeyntan ayaa ka dambeysay dagaal duleedka magaalada ka dhacay manata kaasoo u dhexeeyay ciidamada Somaliland iyo ciidamada deegaanka ee SSC.
Dhowr qof oo shacab ah ayaa la sheegay iney ku naf waayeen duqeynta maanta ka dhacday Laascaanood, halka qaar kalena ay ku dhaawacmeen sida ay sheegayaan dad goob joogayaal ah.
