Qoraal ka soo baxay booliska dalka Giriiga ayaa lagu shaaciyey in la qabtay 5 Askari oo ka tirsan ciidamada Ilaaladda Xuduudaha, kuwaasi oo la rumeysan yahay inay fududeeyeen inay 100 qof oo muhaajiriin ah ay si Sharci darto ku soo galaan dalkaasi, tan iyo dhammaadkii bishii October ee sannadkii hore ee 2022-kii.
Askarta la qabtay waxaa la sheegay inay gacan saar la lahaayeen mukhalasiin ku sugan gudaha dalka Turkiye oo dadka u soo Tahriibiya dalkaasi, waxa ayna askartan fududeyn jireen in dadka galaan Giriiga.
Qoraalka ka soo baxay booliiska dalka Giriiga ayaa lagu sheegay in askarta la qabtay ay ka shaqaynayeen doonyo, si ay ugu soo daabulaan muhaajiriinta ka soo gudba webiga The Evros River ee u dhexeeya Xuduudka dalalka Giriiga iyo Turkiye.
Intii uu socday hawlgalkaasi oo shalay oo Isniin ahayd ka dhacay degmadda Didymoteicho waxaa shanta askari lagu qabtay lacag dhan 26,000 EURO oo u dhiganta 28,000 oo Dollarka Maraykanka iyo ku dhawaad 60 Telefoonada Gacanta .
Bayaanka ka soo baxay taliska ciiddanka nooliska dalka Giriiga ayaa lagu sheegay in tallaabadaasi la qaaday, kadib, markii ay baaritaan qaadeen waaxda booliska ugu qaabilsan arrimaha gudaha.
