Wararka ka imaanaya Degmada Wanlaweyn ee gobolka Shabeelaha Hoose ayaa sheegaya in xalay halkaasi lagu dilay Nabadoon Maxamed Cabdi Jeelle oo degmadaasi caan ka ahaa.
Sida aan Wararka ku helnay kooxo hubeesan ayaa xalay saqdii dhaxe nabadoonka gurigiisa ugu tagay, waxaana la sheegay in isla goobtaasi ku dileen Nabadoon Maxamed Cabdi jeelle.
Maamulka Degmada Wanlaweyn ee gobolka Shabeelaha Hoose ayaan wali ka hadlin dilkan argagaxa lahaa ee xalay Degmadaasi loogu geestay Nabadoonka caanka ka ahaa.
Ma jirto wali cid sheegatay masuuliyada dilka loo geestay Nabadoon Maxamed Cabdi jeelle, waxaan sidoo kale wali si rasmi ah loo ogeyn cida falkaasi dilka ah ka dambeysay.
Degmada Wanlaweyn ay maamulaan Ciidanka dowlada Soomaaliya ayaan inta badan looga baran dilalka nuucaan oo kala ah, waxa ayna tani cabsi badan ku beertay shacabka ku dhaqan Degmadaasi.
Xafiiska Shabakada Allbanaadir.com
Muqdisho-Somalia
Allbanaadir@live.com
