Maraykanka oo ka hadlay duqeyn uu maalintii Ciidul-adxaa ka geystay koonfurta Somalia

- Advertisement -

Taliska Ciidanka Mareykanka Africa ee AFRICOM ayaa shaaciyey duqeyn  ay maalintii koowaad ee Ciidula Adxaa la beegsadeen kooxda Alsahbaab oo ka dhacday meel 46-Km Waqooyi bari ka xigta magaalada Kismaayo.

Qoraal ka soo baxay AFRICOM ayaa lagu sheegay in weerarka lagu dilay 2 nin oo ka tirsanaa Al Shabaab, islamarkaana aanay jirin khasaare dadka rayidka ah ka soo gaaray duqeyntan.

“Ciidamada Mareykanka oo kaashanaya kuwa Dowladda Federaalka Soomaaliya waxay weerar ku qaadeen Xagjirinta AlShabaab meel 46-Km Waqooyi Bari ka xigta magaalada Kismaayo, waxaan ku dilnay 2 Argagixiso.” ayaa lagu yiri warka ka soo baxay Taliska AFRICOM.

Maraykanka  ayaa kordhiyey weerarada uu ka geysanayo Somalia tan iyo markii uu talada qabtay madaxweyne Trump.

Xafiiska Shabakada Allbanaadir.com
Muqdisho Somalia

Allbanaadir@live.com

- Advertisement -