Ciidamada booliiska qeybta gobolka Banaadir gaar ahaan kuwa ka howlgala saldhigga degmada Yaqshiid ayaa duhurnimadii maanta gacanta ku dhigay saddex nin oo burcad ah iyo mooto bajaaj ay wateen.
War kasoo baxay taliska booliiska qeybta gobolka Banaadir ayaa lagu sheegay in ciidamada ammaanka qabteen saddexdan nin, xilli ay dadka ku dhacayeen biskoolad caag ah iyo sidoo kale toorey.
Burcadan ciidamada booliiska gacanta ku dhigeen ayaa xaafado katirsan degmada Yaqshiid ku dhacayay dadka shacabka ah, waxaana ragan la sheegay in horey dhac iyo dhibaatooyin kalaba u geesteen.
Ciidamada booliiska ee ka howlgala gobolka Banaadir iyo deegaannada ku hareereesan ayaa marar badan gacanta ku dhigay kooxo burcad hubeesan oo dhac iyo dhibaatooyin kalaba u geesanayay dadka shacabka ah.
Xafiiska Shabakada Allbanaadir.com
Muqdisho Somalia
Allbanaadir@live.com
