Wasiirka Arrimaha Gudaha, Federaalka iyo Dib u heshiisiinta mudane Axmed Macallim Fiqi ayaa maanta shir guddoomiyay kulan looga hadlay wax ka qabashada waxyeeladda fatahaadda Webiga Jubba uu u geystay bulshada degmada Baardheere ee gobolka Gedo.
Kulankan ayaa waxaa ka qeyb galay ku-xigeenka ergeyga Xoghayaha guud ee Qaramada Midoobey iyo hey’ado Samafal oo maxali iyo caalami isugu jira.
Hey’adaha kulanka mudane Axmed Macallim Fiqi qeybta ka ahaa waxaa ka mid ahaa hay’adaha samafalka sida SODMA, UN-OCHA, WFP, IOM, UNICEF, FAO iyo UNHCR.
Iyada oo laga ambaqaadayo hagidda Wasiirka Arrimaha Gudaha mudane Ahmed Moallim Fiqi waxaa ay hey’adaha samafalka caalamiga ah iyo saxiibada Soomaaliya balanqaadeen sida ay uga go’antahay in gurmad Banii’aadnimo oo degdeg ah lala gaaro bulshada ku dhibaateysan Baardheere iyo weliba xal u helidda fatahaadaha.
Dad badan ayaa ku dhintay, qaar kalena wey ku guryo beeleen roobab xoogan iyo fatahaad uu sameeyey webiga Jubba oo ku dhuftay degmada Baardheere.
Xafiiska Shabakada Allbanaadir.com
Muqdisho Somalia
Allbanaadir@live.com
