Xeer ilaaliyaha guud ee gobolka Illinois ee dalka Maraykanka ayaa dacwad ku soo oogaya hotelka Trump International Hotel & Tower ee magaalada Chicago, isagoo loo haysto inuu jabinayo xeerarkii degaanka.
Dacwadda Lisa Madigan ayaa sheegaysa in dhismahaasi uu malaayiin litir oo biyo ah ka dhaansado wabiga Chicago River isaga aan haysanin ruqsadihii arrintaas muhiimka u ahaa.
Arrintaas waxaa kale oo dheer in hoelku uusan daraasad ku samaynin waxay arrintaasi uga dhigan tahay kalluunka wabiga ku nool, sida uu dhigayo sharciga ayay tiri.
Shirkadda Trump ayaa sheegtay in dacwaddan ay siyaasadaysan tahay, laguna doonayo in meel looga dhaco sumcadda hotelka, waxayna sheegeen iney iska difaaci doonaan eedeyn walba oo lagu soo dacweeyo.
Xafiiska Shabakada Allbanaadir.com
Muqdisho Somalia
Allbanaadir@live.com
