Waxaa goordhaw qarax jugtiisa si weyn looga maqlay qeybo kamid ah magaalada Muqdisho uu ka dhacay agagaarka xarunta degmada Hodan.
Sida aan wararka ku helnay qaraxa dhacay ayaa la sheegay in uu ahaa mooto waxyaabaha qarxa ay saarnaayeen , taa oo ku qaraxday agagaarka xarunta degmada.
Ciidamada ammaanka Soomaaliya ayaa gaaray goobta uu qaraxu ka dhacay , waxa ayna ciidamada goobtaasi ka wadaan baaritaano la xiriira qaraxan dhacay.
Qaraxan goordhaw dhacay ayaan la ogeyn khasaaraha ka dhashay , mana jirto ilaa hadda wax war ah oo dowladda iyo laamaha ammaanka kasoo saareen qaraxan caawa ka dhacay Muqdisho.
- Advertisement -
