Madaxweynihii hore ee Pakistan Pervez Musharraf ayaa ku geeriyooday isbitaal ku yaalla magaalada Dubai isagoo 79 jir ah, kadib markii uu muddo xanuunsanaa
Musharaf waxa uu xukunka kula wareegay afgembi aan dhiig ku daadan sannadkii 1999-kii, wuxuuna isku ahaa madaxa ciidamada Pakistan, madaxa fulinta iyo Madaxweynaha markii uu dhaceen weeraradii 9/11 ee Maraykanka.
Qiyaastii sagaal sano oo uu talada dalka hayay, Musharaf waxa uu Pakistan u horseeday kobac dhaqaale ah oo ay qayb weyn ka qaadatay gargaarka ballaaran ee Washington, si uu u taageero dagaalka ka dhanka ah argagixisada.
Waxaa isbaheysi la noqday Washington markii ay duullaanka ku qaadeen dalka ay dariska yihiin ee Afghanistan, isagoo ka badbaaday isku dayo dil oo dhowr ah.
Saraakiisha sare ee militariga Pakistan ayaa muujinaya tacsi tiiraanyo leh oo ku saabsan geeridii murugada lahayd ee General Pervez Musharaf.
