Shirkadda gawaarida soo saarto ee Nissan ee dalka Japan laga leeyahay ayaa iska iibisay shirkadooda faracii ay Ruushka ku lahaayeen, waxay shirkadda dhan ku iibiyeen 1 Yuuro, waa qiime 1 Dollar ka yar, waxayna ku wareejiyeen ama ka iibiyeen shirkad ay leedahay dowladda Ruushka.
Waxayna dusha saarteen khasaare $687 milyan oo Dollar gaaraya, balse sidoo kale waxay xaq u leeyihiin oo heshiiska ay ku dareen in 6 sano kedib ay dib u iibsan karaan shirkadooda qiimihii ay ku kacdaba.
“Shirkadda Nissan Motor Co Ltd ayaa ku wareejin doonta ganacsigeeda Ruushka shirkad ay dawladdu leedahay 1 Yuuro oo u dhiganta ($0.97), iyada oo qaadan doonta khasaare dhan 687 milyan oo Doollar. Lacagtii ugu dambeysay ee shirkad caalami ah ay dalka kaga baxdo” ayaa lagu yiri qoraal ka soo baxay shirkadda.
Heshiiska ayaa ka dhigaya Nissan shirkaddii ugu dambeysay ee weyn ee ka baxda Ruushka tan iyo markii Moscow ay tobanaan kun oo askari u dirtay Ukraine bishii Febraayo.
Nissan waxay sheegtay inay filaysay khasaare aan caadi ahayn oo ku dhow 100 bilyan yen ($ 687 milyan), laakiin waxay sii waday saadaasha dakhligeeda sanadka maaliyadeed ee dhammaanaya Maarso.
Renault, oo leh 43% ee Nissan, ayaa ku qiyaastay go’aanka lammaanihiisa Japan inuu u horseedi doono 331 milyan oo Yuuro dakhligiisa saafiga ah qaybta labaad ee 2022.
Nissan ayaa hakisay wax soo saarkii warshadeeda St. Petersburg bishii Maarso sababta oo ah khalkhal ku yimid ka dib markii ay saameysay xayiraadaha reer galbeedku ku soo rogeen Ruushka sababo la xiriira weerarka ay ku qaaday Ukraine.
Tan iyo markaas, shirkadda iyo qaybteeda maxalliga ahi waxay la socdeen xaaladda, ayay tidhi. Laakiin ma jirin “muuqaal” isbeddel ku yimi deegaanka dibadda, ayay tiri Nissan, taasoo ku kaliftay inay go’aansato inay baxdo.
Shirkadda kale ee Mitsubishi Motors Corp ayaa sidoo kale ka fikiraysa ka bixitaankeeda Ruushka, wargeyska Nikkei ayaa sidaas yidhi. Afhayeen u hadlay Mitsubishi ayaa sheegay in aan waxba la go’aansan.
Xafiiska Shabakada Allbanaadir.com
Muqdisho Somalia
Allbanaadir@live.com
