Markab u kireysan hay’adda cunnada adduunka ee WFP ayaa soo gaaray magaalada dekada ah ee badda madow ku taalaa ee Chornomorsk ee dalka Ukarine.
Waxaa Markabkani shixnad raashinka ah gaarsiin doonaa Soomaaliya sida ay sheegtay Wasaaradda kaabeyaasha dhaqaalaha ee Ukraine Axada maanta ah.
Ukraine ayaa horey ugu dirtay Qamandi dalalka Ethiopia, Yemen iyo Afghanistan kuwaasoo sii marey WFP.
Dhoofinta wax soo saarka beeraha ee Ukarine ayaa hoos u dhacay tan iyo markii uu bilowdey dagaalka uu Ruushku dalkaas ku qaadey.
Dekedaha ku yaala badda madow ayaa ahaa marinka uu raashinkani sii mari jira kaasoo isna xirmey dagaalka awgiis, waana sababta keentey sare u kaca cunada dunida iyo cabsida ku aaddan in Africa iyo Bariag Dhexe ay cuno yari wajahaan.
Saddex magaalo dekedeed oo ku yaalla Bada Madow ayaa xannibaadii saarneyd laga qaadey dhamaadkii bishii July ka dib heshiis dhex marey Moscow iyo Kyiv oo ay soo qaban qaabiyeen Turkiga iyo QM.
Xafiiska Shabakada Allbanaadir.com
Muqdisho Somalia
Allbanaadir@live.com
