Dowladda Ruushka ayaa dhalashada dalkeeda siisay 75 qof oo ajaanib ah oo dalkaasi kunool, kuwaa oo ay ku jiraan dad si weyn u baadigoobayaan sirdoonada Mareykanka iyo kuwa reer Galbeedka.
Wareegto ka soo baxday xafiiska madaxtooyada ee Ruushka, Madaxweyne Vladimir Putin, ayaa lagu shaaciyay magacyada dadka ajaaniibta ah ee la siiyay dhalashada dalka Ruushka, kuwaa oo hadda kaddib kamid noqonaya muwaadiniinta Ruushka.
Dadka la siiyay dhalashada Ruushka waxaa kamid ah Edward Snowden oo u shaqayn jiray hay’adaha amniga ee dalka Maraykanka, ninkan ayaana horey u faafiyay xogo sir ah oo si faahfaahsan uga hadlaya barnaamijyada basaasnimada ee Maraykanka.
Snowden oo ahaa qandaraasle ka tirsan hay’adda Ammaanka Qaranka ee Maraykanka, ayaa tan iyo sannadkii 2013 wuxuu ku noolaa dalka Ruushka, isaga oo ka dhuumanayey inuu u gacan galo saraakiisha Maraykanka.
Dowladda Mareykanka ayuuna ka carreesiin doonaa go’aanka dowladda Ruushka dhalashada dalkeeda ku siisay muwaadinkan asalkiisu Mareykanka yahay ayna dowladda Mareykanka si weyn u baadigoobeyso.
Xafiiska Shabakada Allbanaadir.com
Muqdisho Somalia
Allbanaadir@live.com
