Diyaaradaha aan duuliyaha laheyn oo ay adeegsadaan ciidamada federaalka Itoobiya ayaa duqeyn culus ka fuliyay magaalada Makelle ee caasimadda gobolka Tigrey, waxaana duqeyntaasi ka dhashay khasaaro kala duwan.
Saraakiil katirsan maamulka Togrey ayaa ku eedeeyay ciidamada federaalka in duqeyn dhinaca cirka ah ka geesteen magaalada Makelle, waxaana duqeyntan cabsi badan ka abuurtay caasimadda Tigrey.
Maamulka isbitaalka ugu weyn gobolka Tigrey ee isbitaalka Ayder Referral Hospital,ayaa sheegay in duqeyntan dhacday uu ku dhaawacmay hal qof oo xaaladiisa caafimaad dhaqaatiirta la tacaalayaan.
Ilo madax banaan ayaa xaqiijinaya in duqeynta ciidamada cirka Itoobiya ka geesteen Makelle ay khasaaro kala duwan gaarsiisay xubno katirsan TPLF sidoo kale lagu bur buriyay xarumo kooxdaasi laheyd.
Duqeynta ka dhacday gobolka Tigrey ayaa imaaneysa xilli kooxda TPLF shaaciyeen in ay diyaar u yihiin in wadahadal nabadeed la galaan dowladda federaalka Itoobiya si loo soo afjaro colaada ka taagan Waqooyiga Itoobiya.
Xafiiska Shabakada Allbanaadir.com
Muqdisho Somalia
Allbanaadir@live.com
