Ergayga gaarka ah ee gurmadka abaaraha C/raxmaan C/shakuur Warsame ayaa dhanbaal qoraal ah oo uu ka siday Madaxweyne Xasan Sheekh oo ku aadan gurmadka abaaraha maanta gaarsiiye Sultaanka Dawlada Cumaan, Sultan Haytham Bin Dhaariq.
Waxaa dhanbaalka ka gudoomay Cabdiraxmaan Cabdishakuur ergayga Sayyid Shihab bin Tariq Al Said oo ah Raysalwasaare ku xigeenka dalka Cumaan, ahna wasiirka gaashaandhiga.
Ergayga ayaa uga waramay xaalada ba’an ee saamaynta abaaraha iyo sidii ay dawlada Cumaan gacan uga gaynsan lahayd gurmadka abaaraha. Cumaan waxay ka mid tahay dawladaha ugu badan ee dhoofsada xoolaha Soomaaliya.
Waxaa kulanka ku wehliyey sii haya safiirka dowladda federaalka Soomaaliya u jooga Cumman, Cismaan Axmad Maxamad iyo Ustaad Xasan Qorane oo ah la taliyaha ergeyga ee arrimaha carabta.
Xafiiska Shabakada Allbanaadir.com
Muqdisho Somalia
Allbanaadir@live.com
