Ra’iisul wasaaraha Israa’iil Benjamin Netanyahu ayaa lagu soo waramayaa inuu muujiyay furfurnaan si uu ugala hadlo xal laba dawladood ah oo Falastiin iyo Israa’iil,ah kaddib Maraykanka. duqeynta Iran inta lagu guda jiro dhamaadka todobaadka.
Israel Hayom ayaa Khamiistii faah faahin ka bixisay in Netanyahu iyo Madaxweyne Donald Trump, oo ay weheliyaan Xoghayaha Arrimaha Dibedda ee Maraykanka, Marco Rubio iyo Wasiirka Istaraatijiyadda ee Israa’iil, Ron Dermer, ay ka wada hadleen qaab-dhismeedka Bariga Dhexe ka dib hawlgalka.
Suurtagalnimada waxay ku xirnaan doontaa dib u habeyn lagu sameeyo Maamulka Falastiin.
Qorshaha, ayaa lagu sheegay in uu ku lug leeyahay in lagu soo afjaro dagaalka Gaza laba toddobaad gudahood. Dabadeed waxa maamuli doona afar waddan oo Carbeed oo ay ku jiraan Masar iyo Imaaraadka Carabta, halka hoggaanka Xamaas ee hadhayna la masaafurin doono.
La haystayaasha Israa’iil waa la sii dayn lahaa. Dadka reer Gaza ayaa ka bixi kara aagga haddii ay rabaan, iyadoo dalal dhowr ah ay u furan yihiin inay martigeliyaan hase ahaatee Xamaas ayaaba horey u diiday qorshehaas lamana oga sida uu ku suuragali karo.
