Kooxda Islamic Jihad ayaa guul ka sheegatay weeraradii socday sadexda cisho ee ka dhaca Gaza kuwaasoo dhexmaray dagaalyahanada kooxdan iyo ciidamada Yuhuuda
Warshada Korontada ee kaliya ee ku taal Qaza ayaa dib u bilowday shaqadeeda koronto dhalinta, ka dib markii ay heshiis xabad joojin ah kala saxiixdeen Israel iyo dagaalyahanada Islamic Jihad.
Xuduudda ayaa dib loo furay waxaana dib u bilowday keenista shidaalka muhiimka ah; isbitaallada ayaa sheegay in ay la daalaadhacayaan agab la’aan soo wajahday.
Xabbad joojinta oo ay garwadeen ka ahayd Masar, ayaa u muuqata in ay soo afjartay saddex maalmood oo colaad ah, oo ay ku dhinteen in ka badan afartan Falastiiniyiin ah.
Israa’iil ayaa duqeysay wax ay ku sheegtay in ay yihiin goobaha Jihaadka Islaamiga ah ee Gaza,halka kooxdan hubeysani ay boqolaal gantaal oodda uga qaadday Qudus iyo Tel Aviv.
