Madaxweynaha Somaliland, Mudane Muuse Biixi Cabdi, ayaa maanta oo Salaasa ah Xisbiga Waddani ka guddoomay warqad summaddeedu yahay TIX/XIS/WAD/XDH/2885/2022, ujeeddadeeduna tahay: Magacaabista Xubinta Komishanka Doorashooyinka Qaranka ee Xisbiga WADDANI.
Madaxweynaha waxa uu uga mahad-celinayaa Xisbiga WADDANI sida dhakhsaha leh ee ay u soo magacaabeen xubintooda cusub ee Komishinka Doorashooyinka maamulka Somaliland.
Waxaanu Madaxweynuhu codsi u gudbinayaa in Hay’adaha kale ee xubnaha ku leh magacaabista Xubnaha Komishinka Doorashooyinka Qaranka Somaliland inay sida ugu dhakhsaha badan u soo gudbiyaan xubinta ama xubnahooda si loogu gudbo wajiga xiga.
- Advertisement -
