Ciidamo katirsan milatariga Soomaaliya ayaa howlgalo gaar ah ka fuliyay deegaano katirsan gobolka Shabeelaha Hoose oo la sheegay in ay joogeen xubno katirsan dagaalyahanada Al Shabaab.
Wakaalada wararka u faafisa dowlada Soomaaliya ayaa baahisay in ciidanka milatariga howlgal qorsheesan ka fuliyeen deegaanada Gambaarey, Dawacaale iyo Geediyaan oo ka tirsan gobolka Shabeelaha Hoose.
Saraakiishan ciidankan hogaamineysay ayaa sheegay in xubnaha Al Shabaab ay ka carareen deeegaanada ay gaareen, waxa ayna saraakiisha la kulmeen qaar kamid ah bulshada deegaanada ay gaareen.
Ciidamada milatariga Soomaaliya ayaa howlgalo mararka qaar ka fuliya deegaano iyo tuulooyin katirsan gobolka Shabeelaha Hoose ay joogaan Al Shabaab, ciidamada ayaana dib uga baxa goobahaasi marka ay saacado joogaan.
Xafiiska Shabakada Allbanaadir.com
Muqdisho Somalia
Allbanaadir@live.com
