Qarax ayaa caawa ka dhacay xaafada Hantiwadaag oo ka tirsan degmada Waaberi ee magaalada Muqdisho kaasoo laga maqlay xaafado Ku dhow degmadaas.
Wararka ayaa sheegaya in qaraxa uu ahaa mid lagu soo xiray gaari la sheegay inuu lahaa sarkaal ka tirsan dowlada Somalia.
Masuuliyiin ka tirsan Maamulka degmada Waaberi ayaa sheegay in qaraxan uusan geysan wax khasaare ah marka laga reebo burbur soo gaariga.
Ciidamada amaanka dowlada Somalia ayaa gaaray goobta uu qaraxu ka dhacay iyagoo halkaas ka wada baaritaano, wuxuuna noqonaya qaraxii labaad ee ka dhaca degmada muddo 24 saac gudahood ah.
Xalay ayey aheyd markii qarax loo adeegsaday bam gacmeed lagu weeraray xarunta maamulka degmada waaberi oo ay ka socotay xaflad shahaadooyin lagu guddoonsiinayey arday dhameysatay barashada Quraanka kariimka ah.
Xafiiska Shabakada Allbanaadir.com
Muqdisho Somalia
Allbanaadir@live.com
