Qarax ayaa gelinkii dambe ee maanta ka dhacay inta u dhexeysa degaanada Wisil iyo Shabeellow ee koonfurta Gobolka Mudug
Sida wararku sheegayaan Qaraxan oo ahaa miino nooca dhulka lagu aaso ah ayaa waxaa lala beegsaday kolonyo gaadiid ah oo uu la socday Taliyaha Ciidanka dhulka Jeneraal Maxamed Tahliil Biixi.
Khasaare isugu jira dhimasho iyo dhaawac ayaa la sheegayaa inuu geystay qaraxaas kaasoo soo gaaray Askartii saarneyd gaari ka mid ahaa kolonyada
Taliyaha Ciidanka dhulka Jeneraal Biixi ayaa la sheegay inuu ka badbaaday qaraxaas oo ahaa mid aad u xoogan oo la aaminsan yahay iney ka dambeeyeen Al-shabaab.
Warar hadda na soo gaaray ayaa sheegaya in sarkaal ka tirsanaa ciidanka xooga dalka uu ku dhintay qaraxaas halka 7 askari oo kale ay ku dhaawacmeen.
Jen. Biixi iyo saraakiil kale ayaa mudooyinkan ku sugnaa degaano ka tirsan gobolka Mudug isagoo wax ka hogaaminayey howlgalo ciidamada DF iyo kuwa Galmudug ka wadaan gobolkaas, kuwaasoo degaano badan looga saaray Al-shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
