Ciidamada Milateriga Somalia ayaa weeraray degaanka Seydheelow oo 35km Waqooyi kaga beegan magaalada Baydhabo ee gobolka Bay, halkaasoo ay Al-Shabaab ay gacanta ku heysay.
Dagaal culus ayaa labada dhinac halkaas ku dhexmaray, kaasoo la isku adeegsaday hubka noocyadiisa kala duwan, iyadoo ciidamada xogga dalka ay markii dambe la wareegeen degaankaas.
Taliyaha Booliska Gobolka Bay ee Dowlad goboleedka Koonfur Galbeed Gaashaanle Sare Amiin Maxamed Daruur ayaa sheegay in khasaare dhimasho iyo dhaawac ay halkaasi ugu geysteen Al-Shabaab, ayna degaanka iminka ay gacanta ku hayaan.
“Howlgalkan waxaa lagu dilay 7-ka tirsan a Al-Shabaab, degaankana hadda waxaa gacanta ku haya ciidanka dowladda, shacabkuna waa laga dulqaaday dhibtooda”. ayuu yiri taliye Amiin.
Waxaa uu xusay in weerarka ay ku qaadeen deegaanka Seydheelow ay ka dambeysay kadib markii shacabka deegaanka uu codsi kaga yimid si looga dulqaado Al-Shabaab.
Ma jiraan warar madax banana oo laga helayo dagaalkaas iyo khasaaraha nafeed ee ka dhashay, Al-shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
