Waxaa mudooyinkan dambe xaafado katirsan magaalada Muqdisho kusoo batay dhaca loo geesanayo Mootooyinka labo lugaaleyda ee loo yaqaan Fekon, oo ay inta badan isticmaalaan dhalinyarada.
Mootooyinkan ayaana waxaa dhaca dhalinyaro labo labo u socota kuwaa oo xaafadaha dhax lugeeya , waxa ayna inta badan raadiyaan mooto meel banaan looga tago iyagoona riixda kadibna la baxsada mootooyinkaasi.
Burcadan oo sii kordhaya ayaana mootooyinkan ay dhacaan ku sameeya wax ka badal kadibna ku dhax iibiya gudaha magaalada Muqdisho halka inta badana Mootooyinkaasi loo iib geeyo gobolada dalka gaar ahaan Shabeelooyinka oo aad looga isticmaalo.
Waxaa sidoo kale jira kooxo burcad hubeesan oo iyana mararka qaar dadka ka dhaca mootooyinkan, waxa ayna arintan walaac xoogan ku beertay dhalinyarada mootiiyinkan ku shaqa taga oo markii hore meelo banaan uga tagi jiray.
Dadka qaar ee Mootooyinka Fekonta wata ayaa hada bilaabay in qunfulo waa weyn iyo silis meel kula xiraan mootooyinkooda marka ay meel banaan uga tagayaan si aan looga wadan.
Xafiiska Shabakada Allbanaadir.com
Muqdisho Somalia
Allbanaadir@live.com
