Musharax Madaxweyne Kheyre oo ka hadlay nuuca Doorasho ee loo baahan yahay in la qabto

Musharax Madaxweyne 2021, Mudane Xasan Cali Khayre oo maanta dalka dib ugu soo laabtay ayaa cadeeyay inay muhiim tahay in laga shaqeeyo hannaan dalka ay uga dhici karto doorasho la isla oggolyahaya si looga fogaado qalalaase siyaasadeed iyo mid amni.

Khayre oo dadweyne fara badan ay kusoo dhaweeyeen magaalada, ayaa shir saxaafadeed uu qabtay waxuu ku sheegay in iyada oo laga tusaale qaadanayo taariikhdii hore ee dalkeennu soo maray iyo rabshadaha ka socda dalalka deriska ah ee salka ku hayo arrimo doorasho, inay muhiim tahay in dhammaan dadka Soomaaliyeed ay u midoobaan hir-gelinta heshiiskii doorashada ee dhawaan lagu heshiiyay.

Musharrax Madaxweyne, Xasan Cali Khayre waxuu u mahad celiyay dadka Soomaaliyeed ee isu xalqaamay soo dhaweyntiisa, waxuuna sheegay in soo dhawyntoodu ay ku dhiirri gelineyso sii wadidda dadaallada uu ugu jiro inuu u sii adeego shacabka Soomaaliyeed.