Faahfaahin: Cabdi Muxumed (Kuukay dheere) oo lagu dilay Magaalada Belad-weyne

Magaalada Beled-weyne ee xarunta Gobolka Hiiraan waxaa xalay lagu dilay mid kamid ah mas’uuliyiinta xaafadaha Magaaladaasi

Koox hubeysan ayaa xalay xaafada Buundaweyn ee magaalada Beledweyne waxay ku dileen Guddoomiye Ku-xigeenkii Xaafada Buundweyn oo lagu Magacaabi jiray Cabdi Muxumed (Kuukay dheere).

Goobjoogayaal sheegay in kooxihii dilka fuliyay ay goobta ka baxsadeen, waxaana halkaas gaaray ciidamada booliska Beledweyne oo howlgallo baaritaano ah sameynaya illaa saaka.

Inkastoo dilalka noocan ah looga bartay Al-Shabaab haddana weli ma jirto cid si rasmi ah u sheegatay masuuliyada dilkan oo qeyb ka noqonaya dilal fara badan oo horey magaalada Belad-weyne uga dhacay.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -