Dagaalyahanada Al Shabaab ayaa dib ula wareegay Deegaanka Janaay Cabdalle oo dhawaan dagaal kula wareegeen Ciidamada Kumaandooska Soomaaliya ee Danab iyo kuwa maamulka Jubbaland.
Ciidamada Danab iyo Kuwa Jubbaland ayaa markii ay la wareegeen deegaanka Janaay Cabdalle ka sameestay saldhig ciidan , waxaana sawirro Al Shabaab kasoo qaadeen saldhigaasi muujinayeen goobtaasi oo haawaneysa ayna ka muuqdeen raadadka ciidankii ka guuray.
Al Shabaab ayaa weeraro kala duwan oo isugu jiray ismiidaamin iyo kuwa toos ah ku qaaday saldhiga Janaay Cabdalle markii lagala wareegay taas oo soo dedejisay in ciidamada isaga baxaan saldhigaasi.
Deegaanka Janaay Cabdalle ayaa ah deegaan istaraatiiji ah oo isku xira magaalooyinka Kismaayo iyo Afmadow, waxaana deegaankaasi mudo dheer gacanta ku hayay Al Shabaab oo marar dhoor ah laga saaray hadana dib ugu soo laabanayay.
Xafiiska Shabakada Allbanaadir.com
Muqdisho Somalia
Allbanaadir@live.com
