Madaxweyne Trump ayaa sheegay in maamulkiisa uu qaaday tallaabooyinkii u horreeyay ee lagu soo celinayo xiriirka diblomaasiyadeed ee Mareykanka iyo Suuriya , oo ay weheliso ka qaadista dhammaan cunaqabateyntii uu Mareykanku saaray Suuriya, si buu yiri fursad loo siiyo dawladda cusub.
Waxaa kaloo uu tilmaamay in dadaalka isku soo dhawaanshaha uu ku yimid dhiirri-gelinta dhaxal-sugaha Boqortooyada Sacuudiga Maxamed bin Salmaan iyo madaxweynaha Turkiga Recep Tayyip Erdogan, markaasoo la arkay muuqaalka Maxamed Bin Salmaan oo boggaadin ay ka muuqatay
Talaabadan ayaa muujinaysa dadaalka uu Sacuudiga u galay inuu Mareykanka cunaqabateynta ka qaado Suuriya oo ay aqoonsadaan dawladda uu hoggaamiyo, Axmed Sharac oo berri la filayo inuu Riyaad kula kulmo Trump.
Dabaaldegyo ayaa caawa lagu arkay caasimadda Dimishiq iyo guud ahaan dalka Suuriya, kaddib markii uu maanta ku dhawaaqay madaxweynaha Mareykanka Donald Trump , oo ku sugan Sacuudiga inuu ka qaaday Suuriya, dhammaan cunaqabateyntii uu saaray Mareykanka, nidaamkii la riday ee Bashaar Al-assad
Tallaabadan ayaa gudaha Suuriya looga arkay guushii u sarreysay ee dadka Suuriya ay gaarayaan, tan iyo markii la riday Bashaar Al-assad.
