Waxaa caawa qeybo badan oo kamid ah magaalada Muqdisho laga maqlay jugta madaafiic lagu garaacay qaar kamid ah degmooyinka Gobolka Banaadir, waxa ayna madaafiicdan cabsi badan ku beereen dadka shacabka.
Madaafiicdan oo lagu garaacay xarunta Madaxtooyada Soomaaliya ayaa lagu soo waramayaa in qaarkood ay ku dhaceen degmooyin kala duwan oo kuyaala gobolka Banaadir .
Wali lama oga khasaaraha ka dhashay madaafiicdan dhawaqooda caawa laga maqlay qeybo badan oo kamid ah magaalada Muqdisho, waxaana madaafiicda kadib howlgalo roondo ah bilaabay ciidamada booliiska.
Weerarkan madaafiicda loo adeegsaday ayaa kusoo aadaya xili maanta xarunta Madaxtooyada Soomaaliya shir ku yeesheen Madaxweynaha Soomaaliya iyo Madaxda maamul goboleedyada dalka ka jira.
Waxii Warar ah ee kusoo kordha madaafiicdan kala soco Wararkayaga Dambe Insha Allah
