Qarax ayaa goor dhow oo caawa fiidkii ah ka dhacay magaalada Muqdisho gaar ahaan agagaarka isgoyska Taleex oo ku dhow Km-4 sida ay sheegayaan warar goor dhow na soo gaaray.
Goob joogayaal ayaa sheegaya in qaraxa oo jugtiisa meelo badan laga maqlay uu ka dhacay Dhisme qabyo ah oo ka soo horjeedka Maqaayada Creams iyo xarunta Premier Bank oo ku yaalla halka ay iska galaan wadada Maka Al-Mukarama iyo mida Taleex.
Inkastoo aan si rasmi ah loo ogeyn sida uu qaraxan u dhacay hadana wararka qaar ayaa sheegaya in loo adeegsaday bac madow lagu soo qariyey waxyaabaha qarxa oo wadada dhinaceeda la dhigay oo.
Weli ma cadda cida qaraxan lala beegsanayey iyo khasaaraha ka dhashay, waxaana goobta gaaray ciidamada amaanka DF oo hakiyey isku socodka dadka iyo gaadiidka ee goobtaas.
Warar aan si rasmi ah loo xaqiijin ayaa sheegaya in qaraxan lala beegsaday gaari uu leeyahay Wasiir ku-xigeenka amniga xukuumada Somalia, waxaana la soo sheegayaa iney ku dhaawacmeen shacab ka dhowaa goobta oo illaa afar qof lagu sheegay
La soco wixii ku soo kordha
Xafiiska Shabakada Allbanaadir.com
Muqdisho Somalia
Allbanaadir@live.com
