Ciidamada amaanka dalka Itoobiya ayaa xabsiga dhigay saraakiil sar sare oo katirsan jabhadda Oromada ee OLF, oo hada isku bedelay xisbi siyaasadeed mucaarad ku ah dowlada uu hogaamiyo Abiy Axmed.
Saraakiishan katirsan OLF ayaa lagu xiray xabsi kuyaala magaalada Adis Ababa kadib markii ciidamada amaanka gacanta kusoo dhigeen, waxaana xariga xubnahan amar ku bixiyay madaxda sare ee Itooviya.
Gudoomiyaha Oromo Liberation Front (OLF) ayaa xaqiijiyay xariga loo geestay xubnahan sar sare ee katirsana ururkiisa, waxa uuna sheegay Gudooiyaha in aysan war badan ka heyn halka la geeyay saraakiishaasi.
Dalka Itoobiya ayaa waxaa ka taagan xiisad siyaasadeed oo ka dhalatay dilkii loo geestay Fanaan caan ah oo u dhashay Oromada, waxaana dowlada xabsiga ku gurtay siyaasiyiin iyo xubno magac ku dhax lahaa Qowmiyada Oromada.
Xafiiska Shabakada Allbanaadir.com
Muqdisho Somalia
Allbanaadir@live.com
