Sida ay sheegayaan wararka naga soo gaaraya degmada Afgooye ee Gobolka Sh/Hoose iska horimaad ayaa maanta halkaas ku dhexmaray laba ciidan oo ka kala tirsan milatariga iyo booliiska Soomaaliya.
Ilo wareedyo ayaa sheegay in dagaalku uu ka dhashay muran u saabsan lacagaha laga qaado mid ka mid ah baraha kontrool ee degmada Afgooye.
Goob joogayaal ayaa u sheegay in iska horimaadka ay ku dhaawacmeen ugu yaraan laba qof oo shacab ah
Xiisada ka dhalatay iska horimaadkan oo muddo saacado ah taagneyd ayaa sababtay khal khal ku yimid isku socodka dadka, gaadiidka iyo dhaqdhaqaaqa ganacsiga.
Xaaladda magaalada ayaa degtay Afgooye gelinkii dambe ee maanta, iyadoo Sarakiisha dawladda ee Afgooye aysan ilaa hadda rasmi ahana uga hadlin iska horimaadka.
Xafiiska Shabakada Allbanaadir.com
Muqdisho Somalia
Allbanaadir@live.com
