Ciidamada booliiska Soomaaliya ayaa saakay fashiliyay banaan bax ay soo abaabuleen mucaaradka dowlada federaalka Soomaaliya oo looga soo horjeeday mudo kororsi la sheegay in dowlada hada jirta ay damacsa tahay.
Warar lagu kalsoonaan karo oon helnay ayaa sheegaya in ciidamada booliiska ay xireen qaar kamid ah dadkii hor kacayay banaan baxa saakay ka dhacay fagaaraha daljirka Dahsoon ee magaalada Muqdisho.
Dadka la xiray waxaa ku jira gudoomiyihii hore ee degmada Cabdicasiis Cusmaan Muxudiin Cariif oo kamid ahaa dadkii hor kacayay dadka banaan baxa dhigayay, waxaa sidoo kale booliiska xireen dad kale oo iyana hor boodayay banaan baxa.
Ciidamada booliiska ayaa rasaas culus u adeegsaday sidii loo kala eryi lahaa dadka isugu soo baxay in ay dhigaan banaan baxa looga soo horjeeday dowlada gaar ahaan qorshaha Madaxtooyada mudada ku kororsaneyso.
Waxii warar ah ee usoo kordha warkan kala soco Wararkayaga dambe insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
