Madaxweynaha maamulka Hirshabelle Maxamed Cabdi Waare ayaa Munaasabad lagu qabtay Magaalada Beledweyne ku Wareejiyay Lacagihii loogu talo galay fatahaada Beledweyne ee ka kala yimid Dowladda Federaalka Ee Soomaaliya iyo Jabuuti.
Waare ayaa ku wareejiyay Guddiga Ganacsatada Fatahaada Beledweyne jeeg ay ku qoran tahay lacagtaas.
Munaasabadan ayaa waxaa goob joog ka ahaa xubno ka tirsan labada Gole ee Hirshabelle, qeybaha kale duwan ee bulshada Magaalada Beledweyne oo ay hormuud u ahaayeen Dhalinyarada iyo Odayaasha Dhaqanka.
Lacagta uu Madaxweyne Waare ku wareejiyey Guddiga ayaa kala ah:-
1- $ 600,000 – ka timid Dowlada Jabuuti
2- $ 500,000 – Ka timid Dowlada Federaalka iyo
3- $ 40,000 – ka timid Gudiga Fatahaada ee heer Qaran waxaana isugeynta lacagtaas ay gaareysaa $1,140,000 (Hal malyan Boqol iyo Afartan kun oo dollar)
Guddiga Ganacsatada iyo fatahaadaha Beled-weyne ayaa balan-qaaday in dhaqaalahaas ay si hufan u maamuli doonaan, laguna fulin doono mashaariic looga hortagayo fatahaadaha ku soo laalaabtay Belad-weyne.
Xafiiska Shabakada Allbanaadir.com
Muqdisho Somalia
Allbanaadir@live.com
