Allaha u naxariistee fannaankii weynaa ee Soomaaliyeed Cabdi Tahaliil Warsame ayaa Muqdisho ku geeriyooday xalay saqdii dhexe.
Sanadihii dambe marxuumka xanuuno kala duwan ayuu la ildarnaa, isagoo xalay ku geeriyooday isbitaal ku yaalla Muqdisho sida ay xaqiijiyeen eheladiisa.
Cabdi Tahaliil Warsame wuxuu ka mid ahaa fannaaniinta safka hore kaga jira fanka Soomaaliyeed aad kana loo jecelyahay heesihiisa oo isugu jira jaceyl iyo waddaniba, isagoo ka mid ahaa hoboladii Qaranka ee Waaberi.
Dad u badan Fanaaniin iyo abwaano ayaa ka tacsiyadeeyey geeridiisa oo ay sheegeen iney aad uga naxeen, iyagoo xusay doorkii shariifka ahaa ee fanaanku ka soo qaatay horumarinta fanka Soomaaliyeed.
Xafiiska Shabakada Allbanaadir.com
Muqdisho Somalia
Allbanaadir@live.com
