Iska hor imaad khasaaro geestay oo u dhaxeeyay ciidamada maamulka degmada Kaaraan iyo maleeshiyaad hubeesan ayaa maanta ka dhacay Xaafada lagu magacaabo Bambacoole ee katirsan degmada Kaaraan.
Goobjooge ku sugan xaafada iska hor imaadka ka dhacay ayaa Warbaahinta u sheegay in la isku qabsaday dhul ku yaalay goob jid ah oo la dhisanayay sidaana isku dagaaleen ciidamada amaanka iyo maleeshiyaadka hubeesan.
Inta la xaqiijiyay hal qof ayaa ku dhintay iska hor imaadkan halka ay ku dhaawacmeen labo qof oo kale, waxaana wali lasoo sheegayaa in ay taagan tahay xiisada ka dhalatay dhulka la isku qabsaday.
Degmada Kaaraan ay joogaan maleeshiyaad hubeeesan ayaa marar badan waxaa ka dhacay iska hr imaad salka ku haya dhul la isku heesto iyo sidoo kale isbaarooyinka iyo dhismayaal lacago sharci daro ah laga qaadayay.
Xafiiska Shabakada Allbanaadir.com
Muqdisho Somalia
Allbanaadir@live.com
