Wararka ka imaanaya Waqooyiga magaalada Gaalkacyo ee maamulka Puntland ayaa sheegaya in qarax lagu dhaawacay masuul katirsan Waaxda Canshuuraha ee Wasaaradda Maaliyadda Puntland .
Sida aan wararka ku helnay gaari uu watay sargaal lagu magacaabo Cabdi Gube oo katiran Waaxda Canshuuraha ee Wasaaradda Maaliyadda Puntland ayaa qaraxa loogu xiray, waxaana gaariga qarxay xili uu magaalada dhax marayay.
Goobjoogayaal ayaa ku waramay in qaraxa uu ku dhaawacmay sargaalkii watay kaa oo loola cararay isbitaalka magaalada Gaalkacyo, lamana oo sheegin khasaaro kale oo qaraxaan kasoo gaaray dad shacab ah.
Ciidamo katiran maamulka Puntland ayaa gaaray goobta uu qaraxu ka dhacay, lama soo sheegin cid ay ciidamada amaanka usoo qabteen qaraxan lagu dhaawacay sargaalkan katirsan wasaarada maaliyadda Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
