Xukuumada Soomaaliya ayaa amar ku bixisay in la joojiyo dhamaan duulimaadyada caalamiga ah ee imaan jiray magaalada Muqdisho si looga hortago in dalka yimaadaan dad qaba xanuunka Caronavirus.
Kulan deg deg ah oo maanta ka dhacay magaalada Muqdisho ayaa lagu go’aamiyay in si KMG ah loo joojiyo duulimaadyada caalamiga ah ee imaan jiray magaalada Muqdiasho iyo waliba kuwa ka baxa.
Wasiirka Wasaaradda Gaadiidka iyo Duulista Hawada Maxamed Cabdullaahi Oomaar ayaa sheegay in la joojinayo duulimaadyada Caalamiga ee yimaada Soomaaliya laga bilaabo 18 Bishaan muddo 15 Maalin ah.
Waxa uu sheegay Wasiir Oomaar in dowlada mudnaan gaar ah siin doonto diyaaradaha wada howlaha gar gaarka bini’aadanimo, waxa uuna sheegay in go’aanka duulimaadka caalamiga loo joojiyay looga gon leeyahay kahor taga cudurka Caronavirus.
Go’aankan ayaa kusoo aadaya xili Wasaarada Caafimaadka Soomaaliya maanta shaacisay in qof ka yimid dalka dibadiisa dhawaana lagu karaantiilay garoonka Aadan Cadde laga helay caabuqa Caronavirus.
Xafiiska Shabakada Allbanaadir.com
Muqdisho Somalia
Allbanaadir@live.com
