Golaha Aqalka Sare oo meel mariyey sharci muddo dheer la sugayey (Sawirro)

- Advertisement -

Golaha Aqalka Sare ee Baarlamanka Somalia ayaa ansixiyay hindise-sharciyeedka Xafiiska Hanti-dhoowrka Guud ee Qaranka Kulankii 36aad ee Kalfadhiga 6aad oo uu shir guddominayey Guddomiyaha Aqalka Sare Senatar Cabdi Xaaahi Cabdullahi.

Ajendaha Kulanka ayaa ahaa, akhrinta 3aad ee Hindise-sharciyeedka Hanti-dhoowrka Guud ee Qaranka, iyo Akhrinta 2aad ee Hindise -sharciyeedka duulista rayidka.

Guddoomiye Ku-xigeenka Guddiga Dhaqaalaha, Maaliyadda, Ganacsiga, Warshadaha, Isgaarsiinta iyo Dalxiiska ee aqalka sare Senatar Deeqa Xasan Xuseen ayaa ka hor akhrisay Warbixinta Akhrinta 3aad ee Hindise-sharciyeedka Xafiiska Hanti-dhoowrka Guud ee Qaranka.

Waxaa hor-yimid Golaha Aqalka Sare Hanti-dhowraha Guud ee Qaranka mudane Maxamed Maxamuud Cali (Afgooye).

Xubnaha aqalka sare ayaa cod gacantaag ah u qaaday sharcigan, waxaana ogaaladay 25 Senatar, Waxaa diiday 4, wax ka aamusayna ma jirin, iyadoo sharcigan oo muddo badan la sugayey uu dhaqan geli doono marka uu saxiixo Madaxweynaha dalka.

Xafiiska Shabakada Allbanaadir.com
Muqdisho Somalia

Allbanaadir@live.com

 

- Advertisement -