Ciidamada amniga oo Muqdisho ku dilay nin hubeysan oo la socday Mooto Bajaaj

- Advertisement -

Ciidamada amaanka dowlada Somalia ayaa ku dilay magaalada Muqdisho nin ku hubeysnaa qori Ak-47 ah ka dib markii ay ka shakiyeen.

Falkan ayaa xalay ka dhacay isgoyska Maana booliyo ee degmada Shibis ka dib markii ciidamo halkaas ku lahaa bar kontrol uu ku soo baxay nin hubeysan oo la socday mooto bajaaj wadada mareysay.

Warar mar dambe soo baxay ayaa sheegaya in ninka la dilay uu ka mid ahaa ilaalada gudoomiye ku-xigeenka maamulka degmada Kaaraan ee gobolka Banaadir.

Dilka ka hor ninka hubeysan iyo ciidamada amaanka ayaa waxaa la sheegay inuu dhexmaray muran xoogan oo sababay in markii dambe rasaas lagu furo ninka qoriga watay.

Ciidamo kale oo ka tirsan dowlada ayaa dilka ka dib halkaas gaaray, iyagoo qaaday meydka iyo qoriga uu ku heysnaa ninka dilay, mana jiro war ciidamada amaanku ka soo saareen dhacdadan.

Xafiiska Shabakada Allbanaadir.com
Muqdisho Somalia

Allbanaadir@live.com

- Advertisement -