Madaxweyne Biden oo ka hadlay Waaranka soo qabashada ee loo jaray Netanyahu iyo Gallant

Dacwad oogaha maxkamadda Dembiyada Caalamiga (ICC) ayaa dalbaday in la soo xiro Ra’iisul wasaaraha Israa’iil, Benjamin Netanyahu iyo Wasiirka gaashaandhigga Yoav Gallant iyo hoggaamiyaal katirsan kooxda Xamaas ee dagaalka kula jira Israa’iil.

Go’aankan kasoo baxay maxkamadda ICC ee lagu soo xirayo Ra’isul Wasaaraha Israa’iil iyo hoggaanka Ururka Xamaas ayaa la kulmay soo dhaweyn iyo dhaleeceyn, waxaana jira hoggaamiyaal soo dhaweeyay go’aanka, halka kuwa kalana kahor yimaadeen.

Dowladda Mareykanka ayaa si adag uga soo horjeesatay ammarka maxkamadda Dembiyadda Caalamiga ee ICC kasoo baxy ee lagu soo xirayo Benjamin Netanyahu iyo wasiirkiisa Gaashaandhigga.

Madaweynaha dalka Maraykanka Joe Biden ayaa ku dhaleeceeyey go’aanka maxkamadda ICC, inay is-barbar dhigtay weerarkii ay Xamaas qaadday Israa’iil ee ay dadka ku afduubatay iyo hawlgallada milateri ee ay Israa’iil ka waddo Qaza.

Biden ayaana hadalkiisa u muuqda mid qiil u raadinay madaxda Israa’iil ee xasuuqda Gaza amartay, isaga oo dhanka kale raali ka ah xarriga hoggaamiyaasha kooxda Xamaas uu u arko urur argagaxiso ah.

Sidoo kale xoghayaha arrimaha debedda ee Maraykanka Antony Blinken ayaa taageeray hadalka madaxweynaha, isaga oo ceeb ku tilmaamay, in maxkamadda ICC ay isbarbardhigto Israa’iil iyo Xamaas.

Antony Blinken ayaa intaas ku daray in go’aankani uu wax u dhimmi karo, dedaalada socda ee la doonayo in heshiis xabbad-joojin ah lagaga gaadho dagaalka ka socda Qaza, isla markaana in la sii daayo la haystayaasha, lana kordhiyo gargaarka la geynayo Qaza, kaas oo ah, ayuu yidhi Blinken, inay yihiin dedaalada joogtada ah ee uu wado Maraykanku.

Qaar kamid ah madaxda caalamka iyo ururada u dooda xaquuqda aadanaha ayaa si weyn usoo dhaweeyay waarana ay mackamadda Dembiyada Caalamiga ee ICC u jartay madaxda sare ee maamula Israa’iil iyo hoggaanka ururka Xamaas.

 

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -