Doorashadda kursi ka banaan Golaha Shacabka Soomaaliyeed ayaa maanta lagu wadaa iney ka dhacdo Magaalada Dhuusamareeb oo ah xarunta Maamulka Galmudug.
Guddiga doorashooyinka Qaranka ayaa shaaciyay in maanta la qaban doono doorashada kursigii uu ka geeriyooday ALLAHA u naxariistee Bootaan Ciise Caalin oo ka mid ahaa xildhibaanada golaha Shacabka.
Kursigan ayaa waxaa ku tartamaya labo musharax oo kala ah Maxamed Cilmi Afrax (Mideeye) iyo Cabdulahi Faarax Wehliye.
Waxaa si weyn loo xoojiyey  amaanka xarunta ay ka dhaceyso doorashadda, waxaana dhamaan Dhuusamareeb ku sugan Ergadii doorashadda ka qeyb qaadan laheyd, guddiga doorashooyinka Qaranka iyo musharaxinta tartamaya.
Wixii ka soo kordha natiijada doorashadan kala soco wararkeena saacadaha soo socda insha Allaah.
Xafiiska Shabakada Allbanaadir.com
Muqdisho Somalia
Allbanaadir@live.com
