Dagaalyahanada kooxda Daacish faracooda Soomaaliya ayaa ka hadlay dilkii loo geestay Hogaamiyaha Daacish Abuubakar Al Bagdaadi iyo Hogaanka Cusub ee kooxda dhawaan dooratay.
Sawir lasoo galiyay barta kooxda Daacish ku leedahay Telegramka ayaa lagu sheegay in Dagaalyahanada Daacish faracooda Soomaaliya ay taageersan yihiin raalina ka yihiin Hogaanka cusub ee kooxdaasi .
Kooxda Daacish garabka Soomaaliya ayaana sheegay in ay sii wadi dooaan dagaalkii ay horey ugu jireen, waxa ayna tilmaameen in aysan saameyn ku yeelan doonin geerida hogaamiyahooda Abuubakar Al Bagdaadi.
Ciidamada Mareykanka ayaa dhawana gudaha Siiriya ku dilay Hogaamiyihii kooxda Daacish Abuubakar Al Bagdaadi iyo Afhayeenka kooxdaasi, waxaana durba Kooxda dooratay Hogaamiye cusub oo bedelaya Abuubakar Al Bagdaadi.
Xafiiska Shabakada Allbanaadir.com
Muqdisho Somalia
Allbanaadir@live.com
