Kooxda Xuutiyiinta ee dalka Yemen ayaa soo bandhigtay khasaaraha ay ciidamada Sacuudiga ku gaarsiiyeen weerar xoogan ay ku qaadeen xero milatariga Sacuudiga ku lahaayeen xadka Sacuudiga iyo Yemen.
Warbaahinta taageerta kooxda Xuutiyiinta ee dalka Yemen ayaa baahiyay Muuqaalka iyo sawirada weerarkii ay ku qaadeen xerada ciidanka milatariga Sacuudiga, waxa ayna soo bandhigeen sawirada askar ay dileen kuwa ay qafaasheen iyo hub ay qabsadeen.
Afhayeenka kooxda Xuutiyiinta Yahya Saree ayaa Warbaahinta u sheegay weerarka ay ku qaadeen saldhiga Sacuudiga ku dileen in ka badan 200-askari sidoo kale nolosha ku qabteen kumanaan askari oo kale.
Waxa uu sheegay Afhayeenka Xuutiyiinta in ciidamo badan ku qasbeen in ay xadka Sacuudiga ka gudbaan kadib weerar ay u adeegsadeen madaafiic iyo diyaarado ay ku qaadeen xerada ciidanka .
Sacuudiga ayaan wali si rasmi ah uga hadlin khasaaraha badan ee kasoo gaaray weerarka kooxda Xuutiyiinta, waxaana weerarkan uu noqonayaa kii ugu khasaaraha badnaa uu Sacuudiga kala kulmo dagaalka Yemen.
Xafiiska Shabakada Allbanaadir.com
Muqdisho Somalia
Allbanaadir@live.com
